Ñuqamanta blogniymantapas

Runasimi waylluq sipas Alimanyamantan kani, Eva sutiyuq. Yanay Perú llaqtamantan Josymar sutin ima. Iskay waranqa chunka suqtayuq watamantan Múnich llaqtapi hatun yachay wasiman rirqani. Chaypi lingüisticata etnologiata runasimitapasmi yachakushani.

Ichaqa runasimita iskay waranqa chunka tawayuq watamantañan sapallata yachakuspa kashani. Yanayqa huq p’unchaypi niwarqan “kuraq taytamamaykuna aswan allin runasimita rimanku kastilla simimanta” nispa. Chayraykutaq chay misk’i simita yachakuyta qallarini, kunantaq runasimi waylluq kaniñan.

Kay blogta qillqayta munani aswan allinta runasimita yachakuypaq – qamkunaq yanapayninwanpas. Sunquymanta sispata kashaqmanta willakuypaqpas kay blogta kamachini.

Yanaypa yawar-masikuna runasimi Apurimaqmanta Wamanqamantapas rimanku, ichaqa hatun yachay wasipi runasimi Qusqumanta yachakushani. Kaypi Qusqumanta simipi qillqasaqmi, iskay ima kaqrayku: huq ñiqin, tiqsi muyupi Qusqumanta simitan ashkata yachachisqarayku. Iskay ñiqin, Qusqumanta runasimiqa chay Apurimaqmanta Wamanqamantapas anchata rikch’akuq kasparayku. Chaymanta ashka runa Qusqumanta runasimita ñawinchayta unanchaytapas atinqanku – yanaypa yawar-masinkunapas ima.

¡Sumaqta ñawinchana rimanakuna ima kachun! Qillqallawaychis tukuy pantaykunamanta, chaymanta kusikusaqmi. Huqlla mañasqaymi kan: runasimillapi qillqaychis, ama hina kaspa. ¡Añaychaykichis!